Fótbolti.net

Jökull: Læti og stemning sem stuðningsmennirnir spúa yfir völlinn til strákanna

Helgi Fróði: Geggjað að vera í besta klúbbnum

Addi Grétars pirraður: Menn þurfa að hafa smá 'sens' fyrir því sem þeir eru að tala um

Ísak Óli: FH var langfyrsti kosturinn hjá mér

Bestur í Mjólkurbikarnum: Vakinn með símhringingu - „Á Jölla mikið að þakka"

Sigdís Eva: Vissum að við gætum þetta og sýndum það í leiknum

Pétur: Það var ekkert lið inni á vellinum

John Andrews: Vorum að spila gegn líklega besta liði landsins

Kallaði þetta gott eftir fimm hnéaðgerðir og fær góð ráð frá pabba sínum

Þurfti að róa Pablo eftir leik - „Leikmenn eiga ekki að skipta sér af áhorfendum“

„Ef þetta heldur svona áfram verða bara allir í banni eftir smá stund"

Hefði sætt sig við jafntefli - „Ég held að við höfum reynt 5 eða 6 plön í þessum leik“

Alex Freyr ósáttur: Þetta er bara sorglegt

Eysteinn á von á geggjuðum leik - „Jölli er alltaf Jölli í Portúgal"

Arnór Smára: Hafði persónulega mikla þýðingu fyrir mig

Draumadráttur Jökuls: Augnablik á stóran hluta af mínu hjarta og mun alltaf gera

Kjartan Henry: Hallgrímur sá ekki til sólar eftir það

Var vítaspyrnudómurinn í Árbæ rangur?

Lék sinn fyrsta leik í efstu deild og vildi víti - „Fann fyrir snertingu og lét mig detta"

Líður eins og Valsarar hafi tapað leiknum - „Hafði aldrei trú á því að hann væri að fara skora"

mán 02. júní 2014 22:22

Alexander Freyr Tamimi

Óli Kristjáns: Tók við liðinu í fallsæti og skila því í fallsæti

Óli Kristjáns á hliðarlínunni í kveðjuleiknum.

Mynd: Fótbolti.net - Hafliði Breiðfjörð

Ólafur Kristjánsson stýrði Breiðabliki í sínum síðasta leik þegar liðið gerði 1-1 jafntefli við Stjörnuna í Pepsi-deildinni í kvöld.

Ólafur kveður Blika eftir farsælan feril þar sem hann gerði liðið að Íslands- og bikarmeisturum, en hins vegar hefur Blikum enn ekki tekist að vinna leik á tímabilinu.

,,Það eru nú margir aðrir hlutir í lífinu sem eru meira tilfinningaþrungnir heldur en þetta. En auðvitað eftir á, þá kemur þetta aðeins við viðkvæmar sálir, sem ég er. Kannski er það fyrst núna að maður að átta sig á því að þessu tímabili er lokið og ég er hundfúll með að hafa ekki náð að skila sigri og fleiri stigum," sagði Ólafur við Fótbolta.net eftir leikinn.

,,Við erum búnir að vera í vandræðum í upphafi móts og lendum undir. En við komum til baka og ég er ánægður með það, ánægður með að hala inn stigi þó við séum manni færri. Ég er þakklátastur fyrir að menn héldu áfram að reyna og það er það sem ég vil sjá Breiðabliksliðið gera í framtíðinni. Ég er sannfærður um að með þetta hugarfar muni skila fleiri stigum."

,,Það hefur vantað að nýta færi sem við fengum og í sumum leikjum að skapa færi til að geta átt möguleika á að nýta þau. Varnarleikurinn líður fyrir það að við erum ákafir að sækja, og svo er það oft þessi herslumunur sem vantar, það er ekkert öðruvísi en það."

,,Ég tók við liðinu í fallsæti á sínum tíma 2006 og skila því á sama stað, þannig að hringnum er lokað. Nei auðvitað er hundfúlt að vera ekki með fleiri stig og skila þessu betur af sér. Það er enginn svekktari en ég og ég ber fulla ábyrgð á því, alveg eins og ég hef notið ávaxtanna í velgengninni. Ég tek á mig stóran hluta af þessu."

Ólafur neitar því þó enn að það hafi verið mistök hjá honum að vera áfram með liðið eftir að ljóst var að hann tæki við danska liðinu Nordsjælland.

,,Ef þú spyrð mig, þá tengist þetta ekki því að ég sé að fara út. Ef liðið hefði verið með fjögur stig og ég hefði ekki verið með það þessa fyrstu sex leiki og Gummi (Ben) hefði staðið hérna, þá hefði verið fróðlegt að heyra spurninguna. Hún hefði sennilega hljómað eitthvað á þá leið: "Var ekki rangt að þú tækir við liðinu strax?" Þetta eru allt spekulasjónir."

,,Faktað er að ég var með liðið fyrstu sex leikina. Faktað er að ég er að fara. Faktað er að stjórnin tók ákvörðun um þetta og auðvitað held ég áfram ef ég er beðinn um það. Faktað er að liðið er á þeim stað sem liðið er og menn verða bara að spýta í lófana," sagði Ólafur.