Heimild: KR útvarpið
Bjarni Guðjónsson er sáttur með úrslitin eftir 1-1 jafntefli KR á útivelli gegn írska félaginu Cork City.
Bjarni er eilítið svekktur með að hafa ekki unnið leikinn og er mjög bjartsýnn fyrir síðari leikinn í Frostaskjólinu.
Bjarni er eilítið svekktur með að hafa ekki unnið leikinn og er mjög bjartsýnn fyrir síðari leikinn í Frostaskjólinu.
„Þetta eru ágætis úrslit í sjálfu sér en við gleymum okkur í markinu sem þeir skora," sagði Bjarni í símtali við KR útvarpið.
„Við áttum tækifæri til að skora sem við nýttum ekki og vorum miklu betri síðasta korterið.
„Þeir komu okkur ekkert á óvart, þeir spila breitt og notast mikið við fyrirgjafir. Við erum bjartsýnir fyrir seinni leikinn.
„Þeir verða væntanlega ekki alveg jafn sterkir á útivelli. Við eigum að setja kröfu á okkur sjálfa að vinna þá á heimavelli."
KR lenti undir snemma í leiknum en það tók Óskar Örn Hauksson aðeins níu mínútur að jafna leikinn. Bjarni sagði það mjög jákvætt og talaði einnig um hörkuna sem einkennir knattspyrnuna á Bretlandseyjum.
„Það var mjög jákvætt að svara skjótt eftir að þeir komust yfir. Þeir eru harðir af sér, þannig er fótboltinn á Bretlandseyjum. Þetta er kraftafótbolti mikill, svipaður og neðrideildarboltinn á Englandi þar sem er dugnaður og kraftur gildir meira en gæði."
Gonzalo Lorenzo Balbi fór meiddur af velli í fyrri hálfleik og þurfti Skúli Jón Friðgeirsson aðhlynningu eftir tvo árekstra á lokamínútum leiksins.
„Ég geri ráð fyrir að Skúli Jón verði í lagi en við þurfum að sjá til með Balbi."
FH lagði finnska liðið SJK á útivelli fyrr í kvöld og Víkingur R. er að tapa á heimavelli gegn slóvenska liðinu FC Koper þegar fimm mínútur eru eftir af venjulegum leiktíma. Liðin mætast aftur næsta fimmtudag.
Athugasemdir