Liam Miller í leik með Manchester United á sínum tíma. Hér er hann í baráttu við Alessandro Pistone í leik gegn Everton.
KR mætir Cork City í Evrópudeildinni klukkan 18:45 í kvöld en fyrri leikurinn fer fram í Írlandi.
Á meðal leikmanna Cork er miðjumaðurinn Liam Miller sem var á sínum tíma í herbúðum Manchester United.
Miller er frá Cork en hann hóf meistaraflokksferil sinn með Celtic áður en Sir Alex Ferguson fékk hann til Manchester United árið 2004.
Á meðal leikmanna Cork er miðjumaðurinn Liam Miller sem var á sínum tíma í herbúðum Manchester United.
Miller er frá Cork en hann hóf meistaraflokksferil sinn með Celtic áður en Sir Alex Ferguson fékk hann til Manchester United árið 2004.
Miller var á mála hjá Manchester United í tvö ár en hann lék einungis níu leiki í ensku úrvalsdeildinni á þeim tíma og samtals 22 leiki í öllum keppnum.
„Hlutirnir gengu ekki upp hjá Manchester United en ég sé ekki eftir að hafa látið á það reyna," sagði Miller.
Miller fór frá Manchester United til Sunderland árið 2006 en Roy Keane var þá við stjórnvölinn þar.
Sunderland komst ári síðar upp í ensku úrvalsdeildina og Miller spilaði tvö ár með liðinu þar áður en hann fór til QPR árið 2009.
Miller er í dag 34 ára gamall en hann samdi við Cork fyrr á þessu ári eftir að hafa spilað undanfarin ár í Ástralíu.
Athugasemdir