Englandi mistókst að komast í fyrsta sinn í úrslitaleik HM kvenna þegar liðið tapaði fyrir ríkjandi meisturum í Japan í undanúrslitaleik í Edmonton í kvöld.

Bæði lið fengu umdeildar vítaspyrnur í fyrri hálfleik og staðan 1-1 þegar flautað var til leikhlés.

Enska liðið var mun betra í seinni hálfleik án þess að ná að skora og í uppbótartíma, þegar allt stefndi í framlengingu, varð Laura Bassett, varnarmaður Englands, fyrir því óláni að skora sjálfsmark. Hreint ótrúlegt mark sem réði úrslitum en það má sjá hér fyrir neðan.

Japan mætir Bandaríkjunum í úrslitum um komandi helgi.