Íslenski sóknarmaðurinn Kolbeinn Sigþórsson er kominn til Nantes í Frakklandi en hann mun í dag gangast undir læknisskoðun hjá félaginu.
Samkvæmt frönskum fjölmiðlum skoðaði Kolbeinn aðstæður hjá Nantes í morgun.
Samkvæmt frönskum fjölmiðlum skoðaði Kolbeinn aðstæður hjá Nantes í morgun.
„Ef allt gengur vel þá mun ég skrifa undir í dag," er haft eftir Kolbeini í frönskum fjölmiðlum en á meðfylgjandi mynd má sjá hann við komuna.
Kolbeinn er 25 ára en hann skoraði 7 mörk í 21 leik með Ajax í hollensku úrvalsdeildinni síðasta tímabil. Hann er með 17 mörk í 29 leikjum fyrir íslenska landsliðið.
Kolbeinn varð þrívegis hollenskur meistari með Ajax en gengur nú í raðir Nantes sem hafnaði í 14. sæti frönsku úrvalsdeildarinnar á síðasta tímabili, átta stigum fyrir ofan fallsæti.
Les premiers mots de Sigthorsson à son arrivée à Nantes http://t.co/rBPupXH6iF pic.twitter.com/hUXlYw2etC
— Ouest-France Sports (@sports_ouest) July 2, 2015
Athugasemdir