Óli Þórðar var svekktur.
Ólafur Þórðarson, þjálfari Víkings, var eðlilega svekktur eftir 1-0 tap sinna manna gegn FC Koper í Evrópudeildinni í kvöld.
Enn og aftur skorti Víkinga herslumuninn fram á við, en mark Koper kom eftir sannkallað þrumuskot þar sem boltinn söng í netinu.
Enn og aftur skorti Víkinga herslumuninn fram á við, en mark Koper kom eftir sannkallað þrumuskot þar sem boltinn söng í netinu.
Lestu um leikinn: Víkingur R. 0 - 1 FC Koper
„Við þurfum að gefa aðeins meira í sókninni ef við ætlum að fá eitthvað úr leiknum, það er nú bara þannig. Við erum of mikið að bíða eftir að einhver annar taki af skarið eða boltinn komi til okkar. Það vantar bara meiri greddu í teignum,“ sagði Ólafur.
„Það var margt gott í þessum leik, en hins vegar kom í ljós að við erum þunnir þarna frammi, það er bara þannig. Við reynum bara að bæta þau göt sem við getum, en það er alveg ljóst að það verður mjög þungur róður úti.“
„En þetta er bara eitt mark, ef við komum inn einu marki erum við í séns. En mér finnst við þurfa að vera graðari í teignum ef við ætlumst til þess að fá mörk.“
Athugasemdir
