Heimild: KR útvarpið
Óskar Örn Hauksson gerði eina mark KR-inga á útivelli gegn Cork City í undankeppni Evrópudeildarinnar fyrr í kvöld.
Leiknum lauk með 1-1 jafntefli og ríkir mikil jákvæðni og bjartsýni innan leikmannahóps KR þar sem einblínt er á að sigra síðari leikinn á heimavelli.
Leiknum lauk með 1-1 jafntefli og ríkir mikil jákvæðni og bjartsýni innan leikmannahóps KR þar sem einblínt er á að sigra síðari leikinn á heimavelli.
„Mér fannst við fá tækifæri til að refsa þeim meira en við gerðum. Úrslitin eru í sjálfu sér ágæt, þetta er bara hálfleikur og allt það," sagði Óskar í símaviðtali við KR útvarpið eftir leik.
„Við vorum í sénsum til að gera betur og refsa þeim meira en við gerðum, við erum þrátt fyrir það ánægðir með úrslitin og þetta er klárlega lið sem við eigum að vinna í Frostaskjólinu."
Óskar var spurður út í hvort hann hafi fundið fyrir sérstaklega mikilli hörku gegn Írunum sem notuðu líkamsstyrk sinn mikið. Þá telur hann gæði liðsins vera svipuð og gæði miðlungsliðs í Pepsi-deildinni.
„Ekkert meira en við erum vanir, ég held að við séum ekkert að kvarta sérstaklega útaf hörku í þeim. Það er erfitt að bera þetta saman, þeir eru kannski svona eins og miðlungslið heima."
Athugasemdir
