Þórhallur Dan aðstoðarþjálfari Hauka.
Þórhallur Dan aðstoðarþjálfari Hauka var hundsvekktur eftir 1-2 tap sinna minna gegn Þrótti á heimavelli í kvöld.
Haukar byrjuðu leikinn illa og voru lentir 2-0 undir snemma leiks. Þeir sýndu þó karakter og voru eftir það betri aðilinn í leiknum.
Haukar byrjuðu leikinn illa og voru lentir 2-0 undir snemma leiks. Þeir sýndu þó karakter og voru eftir það betri aðilinn í leiknum.
Lestu um leikinn: Haukar 1 - 2 Þróttur R.
„Við erum svolítið svekktir en við spiluðum rosa vel og þetta er sennilega okkar besti leikur í sumar. Ég gat ekki séð að þetta lið sem við spiluðum við í kvöld væri mikið betra en við í fótbolta."
„Við vorum að fá hálffæri og við héldum boltanum mjög vel. Það vantaði herslumuninn, þetta er stundum stöngin inn, stöngin út. Þetta var stöngin út hjá okkur í dag."
Þórhallur var ekkert alltof ánægður með mörkin sem Þróttarnir skoruðu.
„Við erum að gefa mörk og það er ekki gott. Við komum vel til baka og vorum að skapa okkur hálffæri. Það er erfitt þegar við gefum liðunum forskot. Við þurfum að koma í vegfyrir það. "
„Við erum með ungt lið og við fyrirgefum þeim alveg mistökin. Við getum ekki verið að gera þau lengi. Menn þurfa að fullorðnast, við verðum að læra af mistökum. Það var vitað að við myndum gefa einhver mörk í sumar," sagði Þórhallur Dan að lokum.
Viðtalið í heild sinni er hægt að sjá í sjónvarpinu hér að ofan.
Athugasemdir
