Ágúst Eðvald Hlynsson varð í vikunni fjórði yngsti leikmaðurinn í sögunni til að spila í Evrópudeildinni.
Ágúst kom inn á sem varamaður þegar Breiðablik tapaði 3-2 gegn Jelgava frá Lettlandi.
Leikurinn fór fram á fimmtudag en þá var Ágúst 16 ára, þriggja mánaða og tveggja daga gamall.
Yngsti leikmaðurinn í sögu Evrópudeildarinnar er tyrkneski miðjumaðurinn Endogan Adili en hann var 16 ára og 16 daga þegar hann spilaði með Grasshoppers árið 2010.
Ágúst Eðvald er búinn að skora tvö mörk í Borgunarbikarnum með Blikum í sumar en hann skráði sig í sögubækurnar sem yngsti markaskorari félagsins á dögunum.
Yngstu leikmennirnir í sögu Evrópudeildarinnar.
Athugasemdir
