KFG átti algjöra óskabyrjun og komst yfir strax á fyrstu mínútu leiksins. Heimamenn voru mun betri í byrjun leiksins og komust 2-0 yfir þegar Bjarni Pálmason skoraði með glæsilegu skoti.

Eftir þetta jafnaðist leikurinn út og bæði lið fengu færi til að bæta við mörkum í venjulegum leiktíma en það tókst ekki. Staðan því samtals 2-2 og framlengja þurfti leikinn.

Í fyrri hálfleik framlengingar missti KFG mann af velli þegar Grétar Atli Grétarsson fékk sitt annað gula spjald og þar með rautt. Vendipunktur leiksins.

Snemma í seinni hálfleik framlengingarinnar var það síðan varamaðurinn Kristján Steinn Magnússon sem skoraði fyrir Þróttara. Varnarleikur heimamanna brást illilega og eftir gott einstaklingsframtak náði Kristján að skora á laglegan hátt. Staðan samtals 2-3.

Ljóst var að þá þyrfti KFG, sem rúllaði yfir sinn riðil í sumar, tvö mörk til að komast áfram. Gestirnir voru nær því að bæta við en heimamenn og Þróttur Vogum fer áfram.

Stuðningsmenn Þróttar létu vel í sér heyra í stúkunni og fögnuðu innilega í leikslok. Þróttur mun mæta Álftanesi í undanúrslitum þar sem fyrri leikirnir verða á laugardag.