„Danny Welbeck hefur fallið í þennan flokk en þetta einkenni Manchester United er farið. Enginn veit hvað framtíðin ber í skauti sér en þetta einkenni er ekki til staðar núna," segir Phelan.

Falcao, Angel Di Maria, Ander Herrera, Luke Shaw, Marcos Rojo og Daley Blind voru fengnir fyrir háar fjárhæðir í sumarglugganum á meðan ungir uppaldir leikmenn voru látnir fara.

Tyler Blackett, ungur uppalinn varnarmaður, hefur þó verið að spila í upphafi móts. En Phelan, sem var aðstoðarmaður Sir Alex Ferguson, segir að breytingar á hugmyndafræði séu í gangi hjá United.

„Það er alltaf upphaf að einhverju. Kannski er þetta upphafið af nýjum vinnuaðferðum hjá Manchester United eða bara sú átt sem fótboltinn er að fara í. Er betra að horfa í núið en framtíðina? Þetta er erfið spurning en maður verður að vona að ungir leikmenn fái að þroskast og þróast í ensku úrvalsdeildinni."