Mun Cleverley láta ljós sitt skína á Villa Park?
Aston Villa hefur fengið miðjumanninn Tom Cleverley á láni frá Manchester United.
Lánssamningurinn gildir út tímabilið en enska úrvalsdeildin hefur staðfest að félagaskiptin hafi náð að ganga í gegn á tilsettum tíma áður en félagaskiptaglugginn lokaði.
Lánssamningurinn gildir út tímabilið en enska úrvalsdeildin hefur staðfest að félagaskiptin hafi náð að ganga í gegn á tilsettum tíma áður en félagaskiptaglugginn lokaði.
Manchester United hafði fyrr í vikunni samþykkt átta milljóna punda tilboð frá Aston Villa í Cleverley en nú er ljóst að leikmaðurinn fer á láni.
Í gærkvöldi virtist Cleverley vera á leið til Everton en ekkert varð af samningum þar.
Cleverley er ekki ofarlega í röðinni hjá Manchester United en flestir stuðningsmenn liðsins gráta það lítið að sjá hann hverfa á braut.
Athugasemdir
