Christian Benteke verður fjarri góðu gamni á morgun þegar Belgía mætir Bosníu-Herzegóvínu í undankeppni EM.
Þetta staðfesti Marc Wilmots, landsliðsþjálfari Belga, á blaðamannafundi í dag en Benteke fékk högg á lærið í 3-0 tapi Liverpool gegn West Ham um síðustu helgi.
Romelu Lukaku, framherji Everton, mun því væntanlega leiða sóknarlínu Belgíu á morgun.
Meiðsli Benteke eru þó ekki alvarleg og vonast Wilmots til að geta notað hann á móti Kýpur á sunnudag.
Belgía er í 2.sæti B-riðils með 11 stig. Leikurinn á móti Bosníu-Herzegóvínu er gífurlega mikilvægur þar sem aðeins þrem stigum munar á liðunum þó Bosnía-Herzegóvína sé í fimmta og næstneðsta sæti riðilsins.
Athugasemdir