„Hollendingar verða að vinna þennan leik og við búumst við þeim dýrvitlausum en vonandi verður þessi leikur skemmtilegur og mikið fyrir augað."

„Það er komin fín reynsla í okkur og við eldumst hratt. Við erum að mæta stóru liði á stórum velli en erum álíka yfirvegaðir sama hver andstæðingurinn er."

Rúrik viðurkennir að hann hefði viljað spila meira en hann hefur gert í þessari undankeppni.

„Auðvitað langar mér að spila sem mest en ég ætla ekki að fara í fýlu eða grenja. Ég verð bara klár þegar þeir þurfa á mér að halda."

Rúrik segist vera í toppstandi enda mikið æft hjá Nürnberg, þýska félaginu sem Rúrik fór í fyrr á árinu.

„Þjóðverjum finnst gaman að æfa mikið, lengi og oft. Mér finnst það líka gaman. Undirbúningstímabilið var erfitt og ég veit ekki hversu marga metra við þurftum að hlaupa upp eitthvað fjall í Austurríki."

Viðtalið má sjá í sjónvarpinu hér að ofan.