Serbinn Milorad Mazic sér um að dæma leik Hollands og Íslands annað kvöld. Samkvæmt Wikipedia er hans mottó: „Þú getur ekki gert öllum til geðs".
Mazic er 42 ára og varð FIFA-dómari 2009. Hann hefur undanfarin ár dæmt marga stórleiki eins og til dæmis leik PSG og Chelsea í 8-liða úrslitum Meistaradeildarinnar í fyrra.
Á HM í Brasilíu í fyrra dæmdi hann leik Þýskalands og Portúgal og rak Pepe af velli þegar portúgalski varnarmaðurinn setti enni sitt við Thomas Muller.
Atvikið má sjá á myndbandinu hér að neðan en fyrir neðan það má sjá atvik úr leik Argentínu og Írans á sama móti. Íranar voru brjálaðir yfir því að Mazic dæmdi ekki vítaspyrnu í leiknum sem Argentína vann 1-0.
Athugasemdir