Pep Guardiola, fyrrum leikmaður og stjóri Barcelona, var vonsvikinn að leikur Barcelona og Las Palmas hafi verið spilaður í gær.
Mikil ringulreið skapaðist í kringum það hvort leikur Barcelona og Las Palmas í spænsku úrvalsdeildinni, La Liga, yrði spilaður í gær. Helstu fjölmiðlar á Spáni, þar á meðal Marca, höfðu greint frá því að leikurinn yrði ekki spilaður vegna átaka í Katalóníu.
Mikil ringulreið skapaðist í kringum það hvort leikur Barcelona og Las Palmas í spænsku úrvalsdeildinni, La Liga, yrði spilaður í gær. Helstu fjölmiðlar á Spáni, þar á meðal Marca, höfðu greint frá því að leikurinn yrði ekki spilaður vegna átaka í Katalóníu.
Ástandið í Katalóníu var mjög slæmt í gær, en þar brutust út mikil átök þar sem íbúar Katalóníu ætluðu að ganga til atkvæðagreiðslu um sjálfstæði frá Spáni. Þetta málefni er mjög umdeilt á Spáni.
Spænska lögreglan reyndi að koma í veg fyrir að fólki kysi og lögreglan ruddist inn á kjörstaði og gerði kjörkassa upptæka.
Víða kom til átaka á milli lögreglu og almennings og var mikið af myndböndum í dreifingu á samfélagsmiðlum sem sýndi átökin.
Barcelona sendi inn beiðni til spænska knattspyrnusambandsins um að fá að fresta leiknum vegna ástandsins, en knattspyrnusambandið
samþykkti það ekki. Því var tekin ákvörðun um að leikurinn yrði spilaður fyrir luktum dyrum með enga áhorfendur á vellinum. Barcelona vann síðan leikinn örugglega 3-0.
Pep Guardiola, sem nú stýrir Manchester City, hefur tjáð sig um þetta, en hann hefði ekki spilað leikinn.
„Barcelona - Las Palmas leikurinn? Ég hefði klárlega ekki spilað leikinn," sagði Guardiola við Catalunya Radio.
Athugasemdir
