Frá undirskriftinni um helgina.
Kvennalið ÍBV verður áfram öflugt á næstu leiktíð en nokkrir lykilmenn liðsins hafa samið um að leika áfram með liðinu. Skrifað var undir nokkra samninga um helgina.
Þær Sigríður Lára Garðarsdóttir, Sóley Guðmundsdóttir, Kristín Erna Sigurlásdóttir, Ingibjörg Lúcía Ragnarsdóttir, Sesselja Líf Valgeirsdóttir, Sirrí Sæland, Díana Helga Guðjónsdóttir, Sóldís Eva Gylfadóttir, Margrét Íris Einarsdóttir, Guðný Geirsdóttir og Inga Hanna Bergsdóttir skrifuðu allar undir nýja samninga ásamt því sem tveir erlendir leikmenn þær Caroline Van Slambrouck og Katie Kraeutner skrifuðu einnig undir sína samninga við ÍBV.
Þá er Cloe Lacasse samningsbundin ÍBV út næsta leiktímabil.
Ian Jeffs skrifaði undir nýjan samning um að þjálfa liðið áfram og því ljóst að næsta leiktímabil verður spennandi fyrir ÍBV.
Eyjastúlkur hyggjast styrkja lið sitt enn meir en viðræður við sterka leikmenn standa nú yfir.
Athugasemdir
