Philippe Coutinho mun missa af leik Liverpool gegn Everton á föstudaginn þar sem hann er enn að glíma við meiðsli í læri.
Coutinho vonast til að ganga í raðir Barcelona í þessum mánuði en hann missti af sigrinum nauma gegn Burnley á nýársdag vegna meiðsla.
Liverpool verður einnig án Coutinho í grannaslagnum á föstudag en hann er í ensku bikarkeppninni.
Coutinho var í dag á Melwood, æfingasvæði Liverpool, til að fá aðhlynningu vegna meiðsla sinna.
Mohamed Salah missti einnig af leiknum gegn Burnley og óvissa er með þátttöku hans í leiknum gegn Everton.
Væntanlegt er nýtt tilboð frá Barcelona í Coutinho en það þarf um 130 milljónir punda til að Liverpool íhugi að selja. Liverpool vill halda Coutinho til sumars en leikmaðurinn vill fara í janúarglugganum samkvæmt Guardian.
Athugasemdir