Stjarnan 1 - 0 Grindavík
1-0 Þorsteinn Már Ragnarsson ('29)
Rautt spjald: Jósef Kristinn Jósefsson, Stjarnan ('60)
Lestu nánar um leikinn
1-0 Þorsteinn Már Ragnarsson ('29)
Rautt spjald: Jósef Kristinn Jósefsson, Stjarnan ('60)
Lestu nánar um leikinn
Stjarnan úr Garðabæ er sigurvegari Fótbolta.net mótsins 2018. Þetta varð ljóst eftir sigur liðsins á Grindavík í Kórnum í dag.
Leikurinn byrjaði tiltölulega rólega en á 29. mínútu dró til tíðinda þegar Þorsteinn Már Ragnarsson kom Stjörnunni yfir. Ævar Ingi Jóhannesson átti þá sendingu inn fyrir á Þorstein sem slapp einn í gegn og kom boltanum fram hjá Kristijan Jajalo og í markið.
Stuttu síðar fékk Þorsteinn mjög gott færi til að skora sitt annað mark en Jajalo náði þá að verja frá honum.
Eftir stundarfjórðung í seinni hálfleik fékk Jósef Kristinn Jósefsson að líta sitt annað gula spjald og þar með rautt. Stjörnumenn voru því einum færri síðasta hálftímann, en þeim tókst að halda það út.
Grindvíkingar reyndu hvað þeir gátu til að jafna en þeim tókst það ekki og lokatölur urðu 1-0 fyrir Stjörnuna.
Við óskum Stjörnumönnum til hamingju með titilinn!
Athugasemdir
