Getur Van Gaal leitt United til dáða?
Daryl Janmaat, hægri bakvörður Newcastle, er sannfærður um að Louis van Gaal muni vinna titla með Manchester United.
Janmaat lék undir stjórn Van Gaal hjá hollenska landsliðinu og efast ekki um gæði samlanda síns þegar kemur að þjálfun.
Janmaat lék undir stjórn Van Gaal hjá hollenska landsliðinu og efast ekki um gæði samlanda síns þegar kemur að þjálfun.
,,Þeir eru með frábært lið og magnaða leikmenn," sagði Janmaat.
,,Van Gaal er líka frábær. Hann þarf bara smá tíma. Hann er ennþá frekar nýr og ég er sannfærður um að með tímanum mun hann vinna titla með Manchester United."
,,Hann er frábær þjálfari og hefur átt stórkostlegan feril. Ég er mjög heppinn að hafa unnið með honum og ég gæti ekki sagt um hann slæmt orð."
,,Hann er einn besti þjálfari sem ég hef starfað með og taktískt er hann snillingur. Hann virðist alltaf vita hvernig á að vinna leik."
Athugasemdir
