banner
   fim 03. apríl 2014 11:00
Magnús Már Einarsson
BÍ/Bolungarvík fær miðjumann frá Gana (Staðfest)
Djúpmenn fá liðsstyrk.
Djúpmenn fá liðsstyrk.
Mynd: Baldur Smári Ólafsson
BÍ/Bolungarvík hefur fengið miðjumanninn Qunicy Osei til liðs við sig. Osei er 24 ára gamall Ganamaður en hann lék í fyrra með AC Kajaani í C-deildinni í Finnlandi.

Osei hefur áður leikið í Serbíu og á Maldíví-eyjum auk þess sem hann lék með FC Haka í finnsku úrvalsdeildinni árið 2010.

Þá var Osei hluti af liði U23 ára liði Gana í undankeppni fyrir Ólympíuleikana árið 2012.

Osei gæti leikið sinn fyrsta leik með BÍ/Bolungarvík gegn Fram í Lengjubikarnum annað kvöld.

Osei mun styrkja miðjuna hjá BÍ/Bolungarvík en liðið verður án Nigel Quashie næstu vikurnar eftir að hann fótbrotnaði í Lengjubikar leik á dögunum. Quashie ætti þó að verða klár áður en keppni í 1. deildinni hefst 10. maí.
Athugasemdir
banner
banner
banner
banner
banner