Þróttur
Arnþór Ari Atlason er skemmtilegur leikmaður.
Sveinbjörn Jónasson er kominn aftur.
Oddur Björnsson.
Fótbolti.net kynnir liðin sem leika í 1. deild í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin því stig frá 1-11 eftir því en ekki var hægt að spá fyrir sínu eigin liði.
Spáin:
1. ?
2. ?
3. ?
4. ?
5. ?
6. ?
7. ?
8. Þróttur 121
9. BÍ/Bolungarvík 101 stig
10. Tindastóll 55 stig
11. Völsungur 43 stig
12. KF 33 stig
8. Þróttur
Heimasíða: trottur.is
Lokastaða í fyrra: 3. sæti í 1. deild
Þróttur átti flott tímabil í fyrra þrátt fyrir að margir hefðu spáð liðinu döpru gengi. Þróttarar laumuðu sér á endanum í þriðja sæti án þess þó að hafa verið með í baráttunni um að fara upp. Nú hefur liðið endurheimt Sveinbjörn Jónasson sem raðaði inn mörkum sumarið 2011.
Þjálfarinn: Páll Einarsson er að fara inn í sitt fjórða tímabil sem þjálfari Þróttar. Hann er í miklum metum hjá félaginu enda leikjahæsti leikmaður liðsins frá upphafi. Þróttur hefur verið í 1. deild öll tímabilin undir stjórn Páls.
Hvað segir Garðar Gunnar? Garðar Gunnar Ásgeirsson er álitsgjafi síðunnar um 1. deild karla. Garðar hefur verið sérfræðingur Fótbolta.net um neðri deildirnar síðustu ár. Hann er fyrrum þjálfari Leiknis í Breiðholti.
Styrkleikar: Það er mikil reynsla í liðinu. Hallur, Elli Jack, Karl Brynjar, Sveinbjörn og svo mætti áfram telja. Liðið er með ágæti blöndu og spilar flottan fótbolta sem arfleifð Ásgeirs Elíasson sem Páll Einarsson hefur svo tekið upp. Sýndu það í fyrra að enginn skyldi afskrifa Þrótt.
Veikleikar: Þróttur býr ekki yfir mikilli breidd og lykilmenn verða að haldast heilir. Það vantar meiri hraða í varnarlínuna og þar gætu skapast vandræði.
Lykilmenn: Hallur Hallsson, Arnþór Ari Atlason og Sveinbjörn Jónasson. Sveinbjörn þarf að eiga annað svona tímabil eins og 2011.
Gaman að fylgjast með: Arnþór Ari er einn af mínum uppáhalds leikmönnum í þessari deild. Alveg frábær. Svo verður líka spennandi að sjá hvort Heiðar Helguson taki slaginn og klæði sig í Þróttarabúninginn á ný eins og einhver orðrómur hefur verið uppi um.
Líklegt byrjunarlið í upphafi móts:
Komnir:
Andri Gíslason frá FH (Var á láni)
Sveinbjörn Jónasson frá Fram
Trausti Sigurbjörnsson frá ÍR (Var á láni)
Farnir:
Daði Bergsson í NEC Nijmegen
Guðfinnur Þórir Ómarsson í Grindavík
Fyrstu leikir Þróttar:
9. maí: Þróttur - Haukar
18. maí: BÍ/Bolungarvík - Þróttur
23. maí: Þróttur - Tindastól
Athugasemdir
