Spáin:
1. ?
2. ?
3. ?
4. ?
5. ?
6. Leiknir R. 145 stig
7. BÍ/Bolungarvík 127 stig
8. Selfoss 114 stig
9. Þróttur 81 stig
10. KV 73 stig
11. HK 61 stig
12. Tindastóll 28 stig

6. Leiknir R.
Heimasíða: leiknir.com
Lokastaða í fyrra: 7. sæti í 1. deild

Leiknismenn sigldu lygnan sjó í 1. deildinni í fyrra eftir að hafa verið í fallbaráttu tvö ár þar á undan.

Þjálfarinn: Davíð Snorri Jónasson og Freyr Alexandersson stýra liði Leiknis í sameiningu annað árið í röð. Davíð og Freyr eru báðir uppaldir Leiknismenn og þekkja félagið inn og út.

Hvað segir Ágúst Þór? Ágúst Þór Ágústsson er álitsgjafi síðunnar um 1. deild karla. Ágúst lék meðal annars með Breiðabliki og Fjölni á sínum tíma en hann hefur spilað í öllum deildum á Íslandi og hefur að auki fylgst mjög vel með neðri deildunum í fjölda ára

Styrkleikar: Leiknisliðið er samansett af mönnum sem hafa spilað lengi saman og þekkja vel inná hvorn annan. Kjarninn í liðinu eru uppaldir Leiknismenn sem eru tilbúnir að leggja sig 100 % fram. Þjálfarar liðsins þeir Freyr og Davíð Snorri eru einnig mjög frambærilegir og ég held að tímabilið í fyrra hafi verið góð reynsla fyrir þá og ég hef trú á að Leiknir geti blandað sér í efri hluta deildarinn ef þeir byrja mótið vel.

Veikleikar: Markahæsti leikmaður liðsins á síðasta tímabili var miðjumaður og þeir þurfa mörk frá fleiri leikmönnum í sumar ef þeir ætla sér í efri hlutann. Eiga oft í vandræðum mem að klára leiki sem þeir stjórna og hafa verið að tapa stigum í leikjum sem þeir eiga að vinna. Markmannsstaðan er einnig spurningamerki en þeir hafa verið að rótera henni í leikjum vetrarins.

Lykilmenn: Óttar Bjarni Guðmundssom, Hilmar Árni Halldórsson, Fannar Arnarsson

Gaman að fylgjast með: Sindri Björnsson. Strákur sem spilað hefur með U17 og U19 og gæti spilað stærra hlutverk í sumar en undanfarin ár. Kröftugur og baráttuglaður miðjumaður sem er uppalinn hjá félaginu og gæti sprungið út í sumar.

Líklegt byrjunarlið í upphafi móts:


Komnir:
Arnar Freyr Ólafsson frá Fjölni (Á láni)
Brandon Scott frá Bandaríkjunum
Edvard Börkur Óttharsson frá Tindastóli
Eiríkur Ingi Magnússon frá KF
Matt Horth frá Bandaríkjunum

Farnir:
Egill Atlason í Reyni Sandgerði
Karl Oliyide frá Reading (Var á láni)
Ósvald Jarl Traustason í Fram (Var á láni)
Pétur Már Harðarson í Gróttu
Pétur Örn Svansson hættur
Stefán Birgir Jóhannesson í Njarðvík (á láni)

Fyrstu leikir Leiknis
10. maí Leiknir R. - Grindavík
17. maí Leiknir R. - BÍ/Bolunarvík
23. maí KV - Leiknir R.