Ívar Örn Jónsson, aukaspyrnu-sérfræðingur Víkinga skoraði eitt af þremur mörkum Víkings í 3-1 sigri liðsins á Keflavík suður með sjó í kvöld. Þetta var fyrsti leikur liðanna í Pepsi-deildinni í sumar.
Það kemur kannski ekki á óvart að mark Ívars kom beint úr aukaspyrnu.
Það kemur kannski ekki á óvart að mark Ívars kom beint úr aukaspyrnu.
Lestu um leikinn: Keflavík 1 - 3 Víkingur R.
„Við fengum aukaspyrnu með vindinn í bakið og þá er allt hægt," sagði Ívar um markið sitt.
Víkingar voru öflugir í fyrri hálfleikinn en gáfu aðeins eftir í upphafi seinni hálfleiks. Sigurinn var þó aldrei í hættu.
„Við komum ekki nægilega einbeittir inn í seinni hálfleikinn og erum fyrstu tíu mínúturnar að reyna finna okkur aftur. Eftir það erum við virkilega þéttir saman sem lið. Keflvíkingarnir brutust ekki mikið í gegnum okkur. Þetta var frábær liðs sigur," sagði Ívar en viðtalið í heild sinni er hægt að sjá í sjónvarpinu hér að ofan.
Athugasemdir
