Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   sun 03. maí 2015 16:52
Arnar Geir Halldórsson
England: Aguero sá um Tottenham
Of góður fyrir Tottenham
Of góður fyrir Tottenham
Mynd: Getty Images
Tottenham 0 - 1 Manchester City
0-1 Sergio Aguero ('29 )

Manchester City heimsótti Tottenham í seinni leik dagsins í enska boltanum.

Leikurinn fór fram í skugga fagnaðarláta annars Lundúnarliðs en Chelsea tryggði sér Englandsmeistaratitilinn nokkrum mínútum áður en flautað var til leiks á White Hart Lane.

Sergio Aguero gerði eina mark leiksins en hann var allt í öllu í sóknarleik Man City eins og oft áður.

Samir Nasri átti ekkert sérstaka innkomu í lið Man City en hann kom inn af bekknum á 73.mínútu fyrir Frank Lampard og þurfti að yfirgefa völlinn vegna meiðsla nokkrum sekúndum síðar. Spurning hvort Frakkinn hafi gleymt að hita upp.

Mikilvægur sigur fyrir Manuel Pellegrini og liðsmenn hans í baráttunni um 2.sætið en Arsenal leikur gegn Hull annaðkvöld.
Athugasemdir
banner
banner
banner
banner