Freyr Alexandersson þjálfari Leiknis, var að vonum himinlifandi eftir 3-0 útisigur sinna manna gegn Val í fyrstu umferð Pepsi-deildarinnar. Sigur í fyrsta leik Leiknis í efstu deild staðreynd.
Lestu um leikinn: Valur 0 - 3 Leiknir R.
„Okkur hefur dreymt þetta. Við erum búnir að sjá þetta gerast. Auðvitað eru þetta villtir draumar. Þetta varð að veruleika," sagði Freyr.
„Þessi leikur hefði fyrirfram getað farið hvernig sem er. Við upplifðum frábæran leik og þrjú stig. Mér fannst við rosalega góðir," sagði Freyr en það var ekki að sjá á Leiknisliðinu að þeir væru nýliðar í deildinni.
„Það mun kannski sjást þegar höggva fer í hópinn. Þegar fer að reyna á breiddina. Þá kemur það kannski í ljós að við séum nýliðar. Við erum með frábært lið og erum ótrúlega vel undirbúnir. Við, Davíð vinnum dag og nótt til þess að liðið okkar sé klárt. Vonandi gengur alltaf eins vel og núna."
Kolbeinn Kárason kom Leikni yfir og skoraði þar með fyrsta mark Leiknis í efstu deild. Kolbeinn er uppalinn í Val en hefur fengið fá tækifæri með liðinu undanfarin ár og ákvað því að færa sig um set í vetur.
„Ég held að það hafi verið skrifað í skýin. Það var æðislegt tilfinning örugglega fyrir hann. Hann er frábær leikmaður. Valsmenn eru hinsvegar líka með frábæran sóknarmann í Patrick Pedersen."
Viðtalið í heild sinni er hægt að sjá í sjónvarpinu hér að ofan.
Athugasemdir