Keflvíkingar fengu heldur betur skell í fyrsta leik sumarsins í Pepsi-deild karla þegar Víkingar komust í heimsókn. 1-3 tap gegn Víkingum staðreynd og öll mörk Víkinga úr föstum leikatriðum.
Það gladdi þjálfara Keflvíkinga, Kristján Guðmundsson lítið.
Það gladdi þjálfara Keflvíkinga, Kristján Guðmundsson lítið.
Lestu um leikinn: Keflavík 1 - 3 Víkingur R.
„Við ræddum um þetta fyrir leikinn og höfum talað um þetta áður. Leikmenn verða að taka ábyrgð þegar varist er í föstum leikatriðum. Það misfórst núna og menn voru farnir að setja ábyrgðina yfir á aðra."
„Það sem við ætluðum að gera í uppsettum sóknarleik gekk ekki alveg eftir. Við lögðum ekki í það sem við vorum búnir að setja upp. Við reyndum en það gekk ekki nægilega vel. Við vorum einnig ekki nægilega góðir að stilla upp í vörn eftir að við missum boltann," sagði Kristján sem segir að fyrsta markið hafi verið mikið áfall fyrir liðið.
„Fyrsta markið sem við fengum á okkur stuðaði okkur of mikið. Við duttum illa niður þar. Við komum hinsvegar til baka með fína kafla í seinni hálfleik. Við getum betur og eigum eftir að verða betri."
Viðtalið í heild sinni er hægt að sjá í sjónvarpinu hér að ofan.
Athugasemdir
