„Við erum gríðarlega sáttir við að hafa landað þremur stigum hér í kvöld," sagði Ólafur Þórðarson þjálfari Víkings eftir 1-3 sigur í Keflavík í kvöld.
Lestu um leikinn: Keflavík 1 - 3 Víkingur R.
„Þetta hefur reynst Víkingum erfiður útivöllur og við vorum að breyta því hérna í kvöld."
„Það er alltaf smá vorbragur á þessu í fyrsta leik og fyrstu leikirnir snúast oft meira um baráttu en fallegan fótbolta og við höfðum betur í því í kvöld."
Viktor Bjarki Arnarsson sneri aftur heim í Víking í vetur eftir margra ára útlegð, nú síðast í Fram. Hann byrjaði í dag eftir að hafa ekki spilað mikið á undirbúningstímabilinu.
„Hann var að gera fína hluti, ég hefði viljað að hann skoraði þegar hann slapp einn í gegn en það er ekki astæða þess að við tókum hann af velli heldur því hann er ekki í sínu albesta formi ennþá. En hann gerði fína hluti meðan hann var inná."
Athugasemdir
