„Þær pressuðu okkur í byrjun og það var smá skjálfti í okkur en mér fannst við svara þeim. Við unnum okkur hægt og rólega inn í leikinn," sagði Þorsteinn að leikslokum.

Þorsteinn er ánægður með ungu stelpurnar sem eru að stíga upp í aðalliðið eftir að hafa misst lykilmenn í atvinnumennsku.

„Þetta eru ekki bara efnilegar stelpur, þetta eru góðar stelpur, þetta eru stelpur sem eru virkilega góðar og ég hef bullandi trú á þeim.

„Ég sé enga ástæðu til að fara að ræða aldur eða eitthvað svona. Þær eru teknískar, fljótar og virkilega flottar."

Þorsteinn vildi ekki ræða um möguleika Blika á titlinum en segir það vera vitað mál að liðið spili til að vinna.

„Það er ekki oft sem Stjarnan fær sex mörk á sig, ég veit ekki hvenær það hefur gerst í deildarleik á Íslandi."