Selfoss vann góðan sigur á Víkingi Ólafsvík í dag. Ingi Rafn Ingibergsson tryggði Selfyssingum sigurinn með marki í fyrri hálf leik.
Sigurinn lyftir Selfyssingum upp í 8. sætið og er stutt upp í næstu sæti fyrir ofan.

Ingi Rafn hefur farið vel af stað á þessu tímabili og hefur þessi 34 ára leikmaður skorað 3 mörk hingað til. Hann segist hafa æft betur en síðustu ár.

„Ég held að ég æfi bara aðeins meira en hinir strákarnir og hvíli mig aðeins meira líka. Ekkert groundbreaking stuff"

Ingi er svo tilbúinn í næsta leik sem er gegn Haukum á Ásvöllum.

„Við höfum átt erfitt með Hauka og þá sérstaklega á Ásvöllum, en við tökum þessa 2 sigurleiki og vonandi getum við gert eitthvað."