„Við gefum þarna forgjöf í fyrri hálfleiknum og ég er mjög ósáttur við öll þrjú mörkin." sagði Jóhann Kristinn Gunnarsson, þjálfari Þór/KA eftir 3-2 tap gegn Stjörnunni í 8-liða úrslitum Borgunarbikarsins í kvöld.
Stjarnan komst 3-0 yfir í fyrri hálfleik og fyrsta markið skoraði Harpa Þorsteinsdóttir í upphafi leiks.
„Við fórum ekki með flókið upplegg inn í leikinn en að leyfa Hörpu að snúa í átt að okkar eigin í kringum teiginn er bannað. Hún gerir það á 3. mínútu eða hvað það var og smellir honum bara í skeytin, það er þess vegna sem það er bannað."
Stjarnan komst 3-0 yfir í fyrri hálfleik og fyrsta markið skoraði Harpa Þorsteinsdóttir í upphafi leiks.
„Við fórum ekki með flókið upplegg inn í leikinn en að leyfa Hörpu að snúa í átt að okkar eigin í kringum teiginn er bannað. Hún gerir það á 3. mínútu eða hvað það var og smellir honum bara í skeytin, það er þess vegna sem það er bannað."
Lestu um leikinn: Stjarnan 3 - 2 Þór/KA
Síðari tvö mörk Stjörnunnar skoraði Lára Kristín Pedersen, bæði eftir hornspyrnu.
„Svo er ég mjög ósáttur við að fá tvö mörk eftir horn, það er eitthvað sem ég hélt við værum búnir að stoppa upp í, þess vegna var ég mjög ósáttur við það og 3-0 í hálfleik er ekki upplífgandi." sagði Jóhann.
Þór/KA var síður en svo lakari aðilinn í fyrri hálfleiknum, heilt yfir, þrátt fyrir stöðuna en þrjú mistök leiddu til þriggja marka.
„Fyrir þá sem voru að horfa á leikinn með einhverjum áhuga þá var þetta ekki 3-0 hálfleikur og mér fannst bæði lið vera að þreifa fyrir sér. Þær eru með sitt upplegg og það gengur stundum mjög vel en stundum hikstar og þá eigum við að geta gengið á lagið. Við erum að komast í sénsa, sénsa sem við eigum að klára gegn Stjörnunni á þeirra heimavelli og 3-0 í hálfleik er náttúrulega galið."
Viðtalið má sjá í heild sinni að ofan.
Athugasemdir