„Markmiðið náðist, við ætluðum okkur að vinna leikinn og komast í undanúrslit og við erum bara mjög ánægð með það." sagði Ólafur Þór Guðbjörnsson, þjálfari Stjörnunnar eftir 3-2 sigur á Þór/KA í 8-liða úrslitum Borgunar-bikarsins.
Lestu um leikinn: Stjarnan 3 - 2 Þór/KA
Stjarnan var 3-0 yfir í hálfleik en missti það svo niður í síðari hálfleiknum en héldu þó sigrinum. Markatala skiptir vitaskuld ekki máli í bikarkeppni.
„Engu. En við gerðum þetta óþarflega spennandi. Við vorum með leikinn í hendi okkar og hefðum jafnvel getað verið meira yfir. Svo lá aðeins á okkur og við gáfum ódýr mörk í seinni hálfleik, sem var klaufalegt, en við unnum og það er það eina sem skiptir máli."
Stjarnan missti tvo leikmenn útaf í meiðsli en Kristrún Kristjánsdóttir og Sigrún Ella Einarsdóttir fóru báðar meiddar af velli. Ólafur var spurður út í stöðuna á þeim.
„Ég veit það ekki, það er dýrt að missa tvo, önnur meiddist á ökkla og hin á hné en það verður bara að skoða það í rólegheitum á næstu dögum."
Viðtalið má sjá í heild sinni að ofan.
Athugasemdir