Lars Lagerback, landsliðsþjálfari, telur að framtíðin sé björt í íslenskum fótbolta.
Lars er að hætta eftir fjögur og hálft ár sem landsliðsþjálfari en leikurinn gegn Frökkum í kvöld var hans síðasti í starfi.
Lars er að hætta eftir fjögur og hálft ár sem landsliðsþjálfari en leikurinn gegn Frökkum í kvöld var hans síðasti í starfi.
„Ef þú horfir á undankeppni HM, þá er Ísland í erfiðum riðli en ef þú horfir á aldurinn í hópnum þá lítur framtíðin vel út," sagði Lars á fréttamannafundi í kvöld.
„Sumir af ungu strákunum spiluðu lítið sem ekkert en þeir geta spila í mörg ár til viðbótar."
KSÍ hefur hagnast gífurlega á þátttökunni á EM og greiðslurnar hjá UEFA eru í kringum tvo milljarða. Lars vill að KSÍ noti peninginn í að hjálpa til búa til fleiri góða leikmenn.
„Ef KSÍ og félögin geta nýtt innkomuna á mótinu í að búa til eitthvað fótboltatengt verkefni, til dæmis til að búa til fleiri góða leikmenn, þá væri það frábært," sagði Lars.
Athugasemdir
