„Þetta er meiriháttar tilfinning. Ég furða mig mest á því hvað allir eru rólegir yfir þessu. Ég bjóst við aðeins meiri látum í okkur inn í klefa þó að það hafi verið smá fagnaðarlæti," sagði Eiður Smári Guðjohnsen við Fótbolta.net eftir 1-0 sigurinn á Hollendingum í kvöld.
Ísland þarf einungs eitt stig í viðbót til að tryggja sér sæti í lokakeppni EM í Frakklandi næsta sumar en þrátt fyrir það eru leikmenn sallarólegir.
Ísland þarf einungs eitt stig í viðbót til að tryggja sér sæti í lokakeppni EM í Frakklandi næsta sumar en þrátt fyrir það eru leikmenn sallarólegir.
Lestu um leikinn: Holland 0 - 1 Ísland
„Það merkilegasta við þetta er að maður labbar inn í klefa og það er eins og þetta sé eðlilegasti hlutur. Fyrir mig er þetta ótrúlegt en ég hef kannski þurft að bíða aðeins lengur en hinir," sagði Eiður en Ísland getur klárað dæmið gegn Kasakstan á sunnudag.
„Það er mjög mikilvægt, sama í hvaða stöðu við erum, að klára dæmið sem fyrst. Það gefur okkur meiri tíma í undirbúning og meiri tíma til að horfa fram á við og undirbúa okkur fyrir stærsta viðburð í knattspyrnusögunni."
Eiður kom sjálfur inn á sem varamaður um miðbik síðari hálfleiks í kvöld. „Mér fannst það æðislegt. Þetta er í fyrsta skipti í smá tíma sem ég kem inn í alvöru tempó og alvöru leik. Það reyndu allir að gera sitt. Auðvitað lá svolítið á okkur og við hefðum getað verið rólegri á köflum. Við vorum kannski ekki að átta okkur á því að við vorum manni fleiri."
Hér að ofan má sjá viðtalið í heild sinni.
Athugasemdir