Ísland vann hreint út sagt stórkostlegan 1-0 útisigur gegn Hollandi í undankeppni EM 2016 í Amsterdam í kvöld.
Íslenska landsliðið tryggði sér þennan sögufræga sigur með marki frá Gylfa Sigurðssyni úr vítaspyrnu sem Birkir Bjarnason fiskaði. Íslenska liðið átti í raun hættulegustu færi leiksins þó Hollendingar hafi verið meira með boltann og átt þó nokkur langskot.
Íslenska landsliðið tryggði sér þennan sögufræga sigur með marki frá Gylfa Sigurðssyni úr vítaspyrnu sem Birkir Bjarnason fiskaði. Íslenska liðið átti í raun hættulegustu færi leiksins þó Hollendingar hafi verið meira með boltann og átt þó nokkur langskot.
Með sigrinum á Amsterdam ArenA í kvöld sló Ísland áhugavert met. Ísland varð fyrsta landsliðið til að vinna Holland í báðum leikjum liðanna í riðlakeppni undankeppni stórmóts. Eins og flestir muna fór fyrri leikurinn á Laugardalsvelli 2-0 fyrir Íslandi.
Þetta var jafnframt í fyrsta skiptið í sögunni sem Holland tapar í undankeppni EM á heimavelli. Hreint út sagt magnað.
Þá hafði Holland ekki tapað á heimavelli í undankeppni stórmóts síðan gegn Portúgal á árinu 2000, fyrir 15 árum síðan.
Athugasemdir