„Við erum fjórtán saman í um 100 metra fermetra íbúð í miðbænum, það er rúm fyrir alla," segir Gunnar Jarl Jónsson, einn besti dómari Íslands, sem er mættur ásamt góðum hópi Breiðhyltinga til Amsterdam til að fylgjast með leik Hollands og Íslands og soga í sig stemninguna.
„Það er gaman að koma til Amsterdam og þetta er auðvitað mikilvægur leikur. Stemningin er góð og Íslendingar eru farnir að kunna að skemmta sér í þessu."
„Ég vonast eftir góðum úrslitum en eitthvað segir mér að þetta verði mjög erfiður leikur. Ég yrði ótrúlega ánægður með jafntefli."
Serbneskur kollegi Gunnars dæmir leikinn í kvöld, Milorad Mazic.
„Þetta er toppdómari og ég held að hann verði í miklu stuði. Hann er stífur og flottur. Hann hefur fengið toppleiki gegnum tíðina og það er ástæða fyrir því. Vonum að hann verði frábær eins og íslenska liðið í kvöld."
Viðtalið við Gunnar Jarl má sjá í heild í sjónvarpinu hér að ofan.
Athugasemdir