Hannes Þór Halldórsson átti magnaðan leik í marki íslenska landsliðsins þegar liðið vann ótrúlegan 1-0 sigur gegn Hollandi í undankeppni EM 2016 í kvöld.
Ísland hirti stigin þrjú af Amsterdam Arena með flottri frammistöðu og Hannes varði allt sem Hollendingar hentu í hann.
Ísland hirti stigin þrjú af Amsterdam Arena með flottri frammistöðu og Hannes varði allt sem Hollendingar hentu í hann.
Lestu um leikinn: Holland 0 - 1 Ísland
„Þessi leikur er á topp þrjú alveg pottþétt, og kannski númer eitt. Ég held að þetta sé eitt stærsta kvöldið í íslenskri fótboltasögu og algerlega stórkostleg stund að vinna Holland og halda hreinu fyrir framan 3.000 stuðningsmenn, þetta er sturlun," sagði Hannes við Fótbolta.net.
„Auðvitað erum við í frábærri stöðu og það þarf stórslys til að við förum ekki á EM. Þannig að við erum komnir með níu og hálfan putta á þetta myndi ég segja en nú verðum við að halda okkur á jörðinni og halda fókus og klára þetta á sunnudaginn."
Það verður ekki leiðinlegt fyrir Hannes að mæta aftur á æfingar með NEC Nijmegen, liði sínu í Hollandi, þegar landsleikjahléi lýkur.
„Það verður vægast sagt skemmtilegt. Þetta var smá extra plús fyrir mig að ná að vinna Holland og halda hreinu verandi spilandi í deildinni. Það er hrikalega ljúft. Þeir voru sigurvissir og það er gaman að geta troðið sokk upp í þá," sagði Hannes.
Athugasemdir
