Kári Árnason var eins og klettur í vörn íslenska landsliðsins sem vann magnaðan 1-0 útisigur gegn Hollandi í undankeppni EM 2016 í kvöld.
Kári skallaði hvern boltann á fætur öðrum út úr teignum á Amsterdam Arena í kvöld og hélt sóknarmönnum Hollands vel í skefjum. Hann var að vonum ánægður með sigurinn, sem fór langleiðina með að fleyta Íslandi á EM í Frakklandi.
Kári skallaði hvern boltann á fætur öðrum út úr teignum á Amsterdam Arena í kvöld og hélt sóknarmönnum Hollands vel í skefjum. Hann var að vonum ánægður með sigurinn, sem fór langleiðina með að fleyta Íslandi á EM í Frakklandi.
Lestu um leikinn: Holland 0 - 1 Ísland
„Þetta er alveg lygilegt að koma hingað og enda þetta með sex stig á móti Hollandi og markatöluna 3-0. Auðvitað er maður með smá varann á og ekki að taka neina sénsa þegar það eru 5-10 mínútur eftir. Lars var ekkert allt of ánægður með það að við vorum alltaf að negla boltanum fram, en ég var ekki að fara að gera neitt fancy þarna í vörninni," sagði Kári við Fótbolta.net eftir leikinn.
„Ég skil nú ekki alveg af hverju þeir tóku Huntelaar út af, það var frekar erfitt að eiga við hann. Hann er alltaf rangstæður og er að bíða eftir sendingunni inn fyrir, hann dregur vörnina alltaf aftar, hann er að reyna að fela sig í rangstöðunni. Eftir að hann fór út af var lítið að gerast í framherjastöðunni. Hann er náttúrulega sterkur þessi strákur, Memphis, sem var að spila þarna en hann er ekki beint senter."
Viðtalið má sjá hér að ofan.
Athugasemdir