Ragnar Sigurðsson, varnarmaður Íslands, segir að leikmenn hafi fagnað vel eftir 1-0 sigurinn á Hollandi í kvöld.
„Kári (Árnason) henti pasta út um allan klefa. Það er pasta á öllum töskum og fötum. Það er stemning," sagði Ragnar við Fótbolta.net eftir leik.
„Kári (Árnason) henti pasta út um allan klefa. Það er pasta á öllum töskum og fötum. Það er stemning," sagði Ragnar við Fótbolta.net eftir leik.
„Þetta var ekki fallegur leikur hjá okkur en við gerðum það sem við þurftum að gera. Að vinna Holland á útivelli er geðveikt."
„Framherjarnir og miðjumennirnir voru að vinna eins og dýr í dag og gerðu þetta auðveldara fyrir okkur. Þetta var ekki auðvelt í dag en þeir léttu okkur lífið."
Ísland þarf nú einungis eitt stig til að tryggja sér sæti á EM í fyrsta skipti í sögunni. „Ég held að maður geti ekki annað en að hugsa að þetta sé komið en það má ekki gerast. Við þurfum að vinna heimaleikinn og klára þetta."
Hér að ofan má sjá viðtalið í heild sinni.
Athugasemdir