Belgía lagði Bosníu Hersegóvínu af velli. Edin Dzeko kom Bosníu yfir en Marouane Fellaini jafnaði skömmu síðar eftir stoðsendingu frá Kevin de Bruyne.

De Bruyne kom Belgum yfir rétt fyrir leikhlé og Eden Hazard gerði út um leikinn með marki úr vítaspyrnu. Ísrael, sem er í þriðja sæti riðilsins, lagði botnlið Andorra örugglega af velli með fjórum mörkum gegn engu.

Ítalir eru þá komnir á toppinn í H-riðli eftir 1-0 sigur á Möltu þar sem Graziano Pelle gerði eina markið. Króatar eru í öðru sæti riðilsins eftir markalaust jafntefli gegn Aserbaídsjan fyrr í dag og eru Norðmenn einnig í toppbaráttunni eftir sigur á Búlgaríu.

Norðmenn eru aðeins tveimur stigum frá toppliði Ítala og einu stigi á eftir Króatíu, en næsti leikur liðsins er einmitt gegn Króötum á heimavelli.

B-riðill:
Belgía 3 - 1 Bosnía Hersegóvína
0-1 Edin Dzeko ('15)
1-1 Marouane Fellaini ('23)
2-1 Kevin de Bruyne ('44)
3-1 Eden Hazard ('78, víti)

Kýpur 0 - 1 Wales
0-1 Gareth Bale ('82)

Ísrael 4 - 0 Andorra
1-0 E. Zehavi ('3)
2-0 N. Bitton ('22)
3-0 T. Hemed ('26, víti)
4-0 M. Dabbur ('38)

H-riðill:
Ítalía 1 - 0 Malta
1-0 Graziano Pelle ('69)

Búlgaría 0 - 1 Noregur
0-1 Vegard Forren ('57)

Aserbaídsjan 0 - 0 Króatía