Sporting Gijon vann dramatískan 2-1 sigur á Espanyol í þriðja leik dagsins í La Liga.

Hinn bráðefnilegi, Alen Halilovic, kom Sporting yfir eftir tíu mínútna leik og þannig var staðan í hálfleik, en Felipe Caidedo hafði klúðrað víti í fyrri hálfleiknum.

Caicedo bætti þó upp fyrir vítaspyrnuklúðrið með jöfnunarmarki í seinni hálfleik og leit allt út fyrir það að jafntefli yrði niðurstaðan, en Alex Menendez sá til þess að svo varð ekki og tryggði gestunum 2-1 sigur með marki í uppbótartíma.

Sporting Gijon fór með sigrinum upp í tíunda sætið með átta stig, en Espanyol er með einu stigi meira í sætinu fyrir ofan.