Hannes Þór Halldórsson.
Hannes Þór Halldórsson, markvörður íslenska landsliðsins, var fjarri góðu gamni í 1-0 tapinu gegn Tyrklandi fyrir tveimur árum en hann fór úr axlarlið í aðdraganda leiksins. Hannes er spenntur fyrir því að spila í Tyrklandi í stórleiknum á föstudaginn.
„Það er margt í aðdraganda þessa leiks sem er spennandi og eitt af því er að upplifa þetta andrúmsloft. Þetta er mikilvægur leikur og það er kominn fiðringur í magann yfir þessu öllu saman," sagði Hannes við Fótbolta.net í dag.
„Við erum með gott lið og höfum sýnt það undanfarin ár að við höfum náð að takast á við erfiðar áskoranir. Við höfum oft staðið uppi sem sigurvegarar í leikjum sem við vorum ekki sigurstranglegri aðilinn í fyrirfram. Við vitum að það er allt hægt í þessu og við vitum hvað við getum. Þegar við náum upp okkar besta leik erum við erfiðir viðureignar. Við vitum að þetta verður gífurlega erfiður leikur en það þýðir ekki annað en að fara brattur inn í hann og ætla að vinna."
Hannes og félagar í Randers eru á botninum í dönsku úrvalsdeildinni. Hannes segir fínt að kúpla sig úr boltanum í Danmörku og mæta í verkefni með landsliðinu.
„Þetta er endurtekin saga undanfarin ár. Það er þungt yfir í Randers og síðan hitti ég landsliðið og lundin léttist og ég vinn einhverja leiki. Vonandi verður það sama uppi á teningunm núna,"
Hér að ofan má sjá viðtalið í heild sinni.
Athugasemdir
