Langstærsti leikur tímabilsins á Spáni er leikinn í dag þegar Barcelona og Real Madrid mætast í svokölluðum El Clasico-leik. Leikurinn í dag hefst klukkan 15:15 og er sýndur beint á Stöð 2 Sport.

Það má búast við veislu á Nývangi, heimavelli Börsunga, í dag og það er mikið undir. Real Madrid er á toppnum fyrir leikinn með sex stigum meira en Barcelona og bilið getur aukist enn frekar ef gestirnir sigra.

Madrídingar getur komist níu stigum á undan erkifjendunum á meðan Börsungar fá tækifæri til að brúa bilið niður í þrjú stig, sem yrði gríðarlega mikilvægt fyrir þá.

Það eru líka aðrir leikir í dag. Sevilla, sem er með jafnmikið af stigum og Barcelona, mætir Granada í hádegisleiknum, Villarreal heimsækir nýliða Leganes og Atletico Madrid tekur á móti Espanyol.