Leikur Metz og Lyon í frönsku úrvalsdeildinni var flautaður af eftir rúmlega hálftíma leik vegna ömurlegrar hegðunar áhorfenda.
Heimamenn í Metz komust óvænt yfir á 28.mínútu með marki Gauthier Hein en tveim mínútum síðar var leikurinn stöðvaður þar sem Anthony Lopes, markvörður Lyon, lá óvígur eftir á vellinum.
Eins og sjá má á myndbandi hér að neðan höfðu óprúttnir aðilar skotið flugeldum inn á völlinn og endaði einn þeirra í baki Lopes.
Dómarinn tók strax ákvörðun um að flauta leikinn af.
Breaking | Metz vs Lyon sees play suspended after firecracker exploded next to goalkeeper Anthony Lopes. pic.twitter.com/491XBlttgQ
— Get French Football (@GFFN) December 3, 2016
Athugasemdir