Stórfurðulegt atvik átti sér stað undir lok leiks Sheffield Wednesday og Preston North End í ensku B-deildinni í dag.
Eoin Doyle og Jermaine Beckford fengu þá báðir að líta rauða spjaldið fyrir slagsmál, sem væri kannski ekki mjög fáranlegt ef ekki væri fyrir þá staðreynd að þeir eru samherjar í liði Preston.
Beckford var afar ósáttur með Doyle af því að sá síðarnefndi ákvað að skjóta á markið í stað þess að senda á Beckford og endaði rifrildi þeirra með handalögmálum.
Leikurinn endaði með 2-1 sigri Sheffield Wednesday en áðurnefndur Doyle skoraði eina mark Preston í leiknum.
Simon Grayson, stjóri Preston, gagnrýndi leikmennina harkalega á blaðamannafundi eftir leikinn, sagði framkomu þeirra til skammar og að félagið myndi taka á málinu.
Fight! 😡 Preston team-mates Jermaine Beckford and Eoin Doyle are both sent off for clashing in the side's defeat at Hillsborough. pic.twitter.com/QNxh6SY4Wn
— Football On 5 (@FootballOn5) December 3, 2016
Athugasemdir