Sjálfur var Neville í viðtali eftir leikinn spurður í þrígang hvort hann ætlaði að segja upp. Hann svaraði fyrst nei og neitaði svo að svara aftur.

Neville talaði þó um að frammistaðan hefði verið óásættanleg og sársaukafullt hafi verið að horfa upp á þetta.

„Ég mun ekki sofa vel í nótt. Mér var illa við það sem ég sá. Við gerðum svo mikið af barnalegum mistökum sem er bannað að gera þegar þú spilar fyrir svona stórt félag," sagði Neville.

Íþróttastjóri Valencia, Jesus Garcia Pitarch, vildi ekki gefa nein skýr svör um framtíð Neville. Sagði ekki tímabært að reyna að útskýra þetta tap en bað stuðningsmenn afsökunar á frammistöðu liðsins.