Sölvi varð bikarmeistari með Jiangsu á liðnu tímabili en liðið er nú orðið Íslendingalaust þar sem sóknarmaðurinn Viðar Örn Kjartansson fór til Malmö í Svíþjóð.

Vefsíðan transfermarkt.com segir að Wuhan Zall hafi keypt Sölva á 650 þúsund evrúr.

Wuhan Zall er frá borginni Wuhan og spilar á leikvangi sem tekur 22 þúsund áhorfendur. Félagið er stofnað 2009 og lék í efstu deild 2013 en það er eina tímabil liðsins í deild þeirra bestu.

Sölvi er 31 árs gam­all miðvörður sem er uppalinn hjá Víkingi Reykjavík. Á atvinnumannaferlinum hefur hann leikið í Svíþjóð, Danmörku, Rússlandi og nú Kína.

Hann lék einn leik með íslenska landsliðinu í undankeppninni fyrir EM en alls á hann 28 landsleiki að baki.