Það bendir allt til þess að Sevilla mæti Barcelona í úrslitum spænska Konungsbikarsins.

Barcelona slátraði Valencia í gær, með sjö mörkum gegn engu, og Sevilla valtaði yfir Celta Vigo í dag með fjórum mörkum gegn engu.

Kevin Gameiro gerðu tvö mörk og misnotaði vítaspyrnu í leik kvöldsins og þá lagði Ever Banega, sem er líklega á leið til Inter í sumar, tvö mörk upp.

Michael Krohn-Dehli skoraði og lagði upp og þá skoraði franski miðvörðurinn Adil Rami einnig.

Síðari leikurinn verður spilaður á heimavelli Celta Vigo að viku liðinni, og það verður að teljast gífurlega ólíklegt að heimamönnum takist að snúa viðureigninni sér í hag.