Liverpool vann sannfærandi sigur gegn Burnley í ensku úrvalsdeildinni í kvöld. Liverpool er með 51 stig í fimmta sætinu, tveimur stigum á eftir Manchester United sem er í fjórða.

Liverpool er á beinu brautinni og stefnir hraðbyri að þátttöku í Meistaradeildinni á næsta tímabili.

Jordan Henderson heldur áfram að sýna skínandi frammistöðu með fyrirliðabandið en hann braut ísinn með þrumuskoti. Daniel Sturridge bætti svo við marki en hann var líflegur í sínum fyrsta byrjunarliðsleik í nokkurn tíma. Henderson með sendinguna.

Eftir annað markið sigldi Liverpool þessu heim af öryggi.

Burnley er enn í fallsæti og framundan hjá liðinu er afar erfið barátta fyrir lífi í deild þeirra bestu.