Fjölnir
Haukur Lárusson varnarjaxl.
Guðmundur Pétursson
Þórður Ingason er kominn aftur í markið.
Fótbolti.net kynnir liðin sem leika í 1. deild í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin því stig frá 1-11 eftir því en ekki var hægt að spá fyrir sínu eigin liði.
Spáin:
1. ?
2. ?
3. ?
4. ?
5. ?
6. ?
7. Fjölnir 123 stig
8. Þróttur 121 stig
9. BÍ/Bolungarvík 101 stig
10. Tindastóll 55 stig
11. Völsungur 43 stig
12. KF 33 stig
7. Fjölnir
Heimasíða: fjolnir.is
Lokastaða í fyrra: 7. sæti í 1. deild
Fjölnismönnum er spáð sama sæti og þeir enduðu í síðasta sumar. Það tímabil var ansi sérstakt hjá liðinu. Lengi framan af var það í toppbaráttunni en gaf svo hrikalega eftir seinni hlutann.
Þjálfarinn: Ágúst Gylfason er að stýra Fjölni annað tímabilið í röð. Þar á undan var hann hjá félaginu sem leikmaður og svo aðstoðarþjálfari. Hann þekkir því hern krók og kima hjá félaginu.
Hvað segir Garðar Gunnar? Garðar Gunnar Ásgeirsson er álitsgjafi síðunnar um 1. deild karla. Garðar hefur verið sérfræðingur Fótbolta.net um neðri deildirnar síðustu ár. Hann er fyrrum þjálfari Leiknis í Breiðholti.
Styrkleikar: Fjölnir hefur mikið af heimamönnum, sprækt lið sem erfitt er að leggja af velli. Síðustu ár hefur vantað alvöru framherja en nú hafa þeir fengið Guðmund Pétursson, mikilvægt að hann verði heill. Einnig styrkir þá að hafa fengið Guðmund Böðvar Guðjónsson sem kemur með meiri talanda inn í liðið.
Veikleikar: Fjölnismenn eru óstöðugir. Þeir geta unnið alla og tapað fyrir öllum og dottið niður í djúpar lægðir eins og í fyrra. Ég held þó persónulega að þeir verði ofar en þeim er spáð.
Lykilmenn: Haukur Lárusson, Guðmundur Karl Guðmundsson og Guðmundur Pétursson.
Gaman að fylgjast með: Ungur strákur, Hallgrímur Andri Jóhannsson, er sprækur leikmaður sem gæti fengið að spila mikið í sumar. Svo er spennandi að sjá hvað Illugi Gunnarsson gerir, ætlar hann að vera á fullu með þeim í sumar eða einbeita sér að vinnu? Leikmaður sem getur skipt sköpum.
Líklegt byrjunarlið í upphafi móts:
Komnir:
Guðmundur Böðvar Guðjónsson frá ÍA
Guðmundur Pétursson frá Breiðabliki
Þórður Ingason frá BÍ/Bolungarvík
Hilmar Þór Hilmarsson frá Stjörnunni (lán)
Farnir:
Marteinn Örn Halldórsson í Reyni Sandgerði
Pablo Punyed í Fylki
Fyrstu leikir Fjölnis:
9. maí: Fjölnir - KF
18. maí: KA - Fjölnir
24. maí: Fjölnir - Víkingur R.
Athugasemdir
